സ്വന്തം ലേഖകന്‍
പ്രമുഖ ബേബി കെയര്‍ ബ്രാന്‍ഡായ പോപ്പീസ് ബിസിനസ് വിപുലീകരണത്തിന് ഒരുങ്ങുന്നു. ഇതിനോടനുബന്ധിച്ച് ബേബി കെയര്‍ ഉത്പന്നങ്ങളെല്ലാം അണിനിരക്കുന്ന എക്സ്ക്ലൂസീവ് ബ്രാന്‍ഡ് ഷോറൂമുകളുമായി റീട്ടെയില്‍ മേഖലയിലേക്ക് ചുവടുവയ്ക്കുകയാണ് പോപ്പീസ്. ഇത്തരത്തിലുള്ള ആദ്യ ഷോറൂം മഞ്ചേരിയിലെ ലാഡര്‍ മാളില്‍ ഒക്ടോബര്‍ നാലിന് ഉദ്ഘടനം ചെയ്യും. 2021 ഡിസംബറോടെ 200 എക്സ്ക്ലൂസീവ് ഷോറൂമുകളാണ് ലക്ഷ്യമെന്ന് പോപ്പീസ് മാനേജിങ് ഡയറക്ടര്‍ ഷാജു തോമസ് പറഞ്ഞു.
കുഞ്ഞുങ്ങളുടെ ആരോഗ്യത്തെയും ചര്‍മ്മത്തെയും സംരക്ഷിക്കുന്ന പോപ്പീസ് ഉത്പന്നങ്ങള്‍ ഉപഭോക്താക്കള്‍ക്ക് അനുഭവിച്ചറിയാനുള്ള എക്സ്പീരിയന്‍സ് സെന്‍റര്‍ എന്ന നിലയിലാണ് ഷോറൂമുകള്‍ ഒരുക്കുന്നത്. നവജാതശിശുക്കള്‍ മുതല്‍ ആറ് വയസ്സുവരെയുള്ള കുട്ടികള്‍ക്ക് അനുയോജ്യമായ വസ്ത്രങ്ങള്‍ക്കൊപ്പം ബേബി സോപ്പ്, ബേബി വാഷ്, ഷാംപൂ, ഡയപ്പര്‍ തുടങ്ങി എല്ലാ പോപ്പീസ് ഉത്പന്നങ്ങളും ഇവിടെ ലഭ്യമാവും. ബേബി കെയര്‍ രംഗത്തെ ആവശ്യങ്ങള്‍ കണ്ടറിഞ്ഞു ഡിസംബറിനുള്ളില്‍ കൂടുതല്‍ ഉത്പന്നങ്ങള്‍ പുറത്തിറക്കാനുള്ള തയ്യാറെടുപ്പിലാണ് പോപ്പീസ്.
ലക്ഷ്യം 1000 കോടി വിറ്റുവരവ്
ബേബി കെയര്‍ രംഗത്ത് 16 വര്‍ഷത്തെ അനുഭവസമ്പത്തുള്ള പോപ്പീസ് 2020 ഡിസംബറോടെ എല്ലാ സംസ്ഥാനങ്ങളിലും എക്സ്ക്ലൂസീവ് ബ്രാന്‍ഡ് ഷോറൂമുകള്‍ ആരംഭിക്കാനും എല്ലാ റീട്ടെയില്‍ സ്റ്റോറുകളിലും പ്രൊഡക്റ്റുകള്‍ ലഭ്യമാക്കാനുമുള്ള ഒരുക്കത്തിലാണ്. ഇതോടെ 2023 ല്‍ 1000 കോടി വിറ്റുവരവാണ് കമ്പനി ലക്ഷ്യം വെക്കുന്നതെന്നും മാനേജിങ് ഡയറക്ടര്‍ ഷാജു തോമസ് പറഞ്ഞു. ഓര്‍ഗാനിക് രീതിയില്‍ കൃഷി ചെയ്യുന്ന കര്‍ഷകരില്‍ നിന്നും പരുത്തി ശേഖരിച്ച് അത് നൂലാക്കി അതില്‍ നിന്നും തയ്യാറാക്കുന്നവയാണ് പോപ്പീസ് വസ്ത്രങ്ങള്‍. കുട്ടികളുടെ ആരോഗ്യത്തിനോ ചര്‍മ്മത്തിനോ ഹാനികരമായ യാതൊന്നുമില്ലെന്ന് ഉറപ്പാക്കുന്ന 24 ക്വാളിറ്റി പരിശോധനകള്‍ക്ക് ശേഷമാണ് പോപ്പീസ് വസ്ത്രങ്ങള്‍ ഉപഭോക്താക്കളിലേക്ക് എത്തുന്നത്. പ്രകൃതിദത്ത വര്‍ണങ്ങള്‍ മാത്രം ഉപയോഗിക്കുന്ന പോപ്പീസ് ഉത്പന്നങ്ങള്‍ കുട്ടികള്‍ക്ക് യാതൊരുവിധ അലര്‍ജിയും ഉണ്ടാക്കാത്ത ഹൈപ്പോ അലര്‍ജിക് വിഭാഗത്തില്‍ പെട്ടവയാണ്.
കുട്ടികള്‍ക്ക് സുരക്ഷിതമായ വിധത്തിലാണ് പോപ്പീസ് ഉടുപ്പുകള്‍ സിഡൈന്‍ ചെയ്തിരിക്കുന്നത്. ബട്ടണ്‍, സിപ്പ് തുടങ്ങിയവ കടിക്കാനോ വിഴുങ്ങാനോവുള്ള സാധ്യത പോപ്പീസ് വസ്ത്രങ്ങളില്‍ ഉണ്ടാവുകയില്ല. വസ്ത്രങ്ങളില്‍ പ്രകൃതിദത്ത വര്‍ണങ്ങള്‍ മാത്രം ഉപയോഗിക്കുന്നതിനാല്‍ കുട്ടികളുടെ ആരോഗ്യത്തെയും ചര്‍മ്മത്തെയും പോപ്പീസ് വസ്ത്രങ്ങള്‍ പൂര്‍ണമായും സംരക്ഷിക്കുന്നു. 2022 ഓടെ ഐ.പി.ഒയ്ക്ക് തയ്യാറെടുക്കുകകൂടിയാണ് കമ്പനി. പോപ്പീസ് എക്സ്ക്ലൂസീവ് ബ്രാന്‍ഡ് ഷോറൂമുകള്‍ കേരളത്തിലുടനീളം വ്യാപിപ്പിക്കും. ഒക്ടോബര്‍ 24 ന് എറണാകുളത്ത് പുതിയ ഔട്ട് ലെറ്റ് ഉദ്ഘാടനം ചെയ്യും. തൃശൂര്‍, കണ്ണൂര്‍, കോഴിക്കോട്, പെരിന്തല്‍മണ്ണ, തിരുവനന്തപുരം, ചെന്നൈ, ഹൈദരാബാദ്, ഡല്‍ഹി, കൊല്‍ക്കത്ത എന്നിവിടങ്ങളിലും എക്സ്ക്ലൂസീവ് ഷോറൂമുകള്‍ ആരംഭിക്കും.
