സ്വന്തം ലേഖകന്‍
ഓപ്പോ ക്യാഷ് സേവനങ്ങള്‍ ഇന്ത്യയില്‍. പെഴ്സണല്‍ ലോണുകളും, ബിസിനസ് ലോണുകളും ഉള്‍പ്പടെയുള്ള സാമ്പത്തിക സേവനങ്ങള്‍ ലഭ്യമാക്കുന്ന സംവിധാനമാണ് ഓപ്പോ ക്യാഷ്. നിലവില്‍ പരീക്ഷണാടിസ്ഥാനത്തിലാണ് സേവനങ്ങള്‍ നല്‍കുന്നത്. വൈകാതെ എല്ലാവര്‍ക്കും സേവനം ലഭ്യമാകും.
20,000 രൂപ വരെ വ്യക്തിഗത വായ്പകളും 2 കോടി വരെ ബിസിനസ് വായ്പകളും ഓപ്പോ ക്യാഷ് ഉപയോക്താക്കള്‍ക്ക് നല്‍കും. ഇതുമാത്രമല്ല, യുപിഎ അതിഷ്ടിത സേവനങ്ങളും മ്യൂച്വല്‍ ഫണ്ട് സേവനവും ഓപ്പോ ക്യാഷ് നല്‍കും. 100 രൂപ മുതല്‍ മൂച്വല്‍ ഫണ്ടുകളില്‍ നിക്ഷേപിക്കാന്‍ സാധിക്കും എന്നതാണ് പ്രധാന സവിശേഷത.
പുതുതായി പുറത്തിറക്കിയ അപ്ലിക്കേഷന്‍ എല്ലാ ഓപ്പോ ഫോണുകളിലും മുന്‍കൂട്ടി ഇന്‍സ്റ്റാള്‍ ചെയ്തിട്ടുണ്ട്. ഈ അപ്ലിക്കേഷന്‍ ഗൂഗിള്‍ പ്ലേ സ്റ്റോറിലും ലഭ്യമാണ്. ഓപ്പോ ഉപയോക്താക്കള്‍ അല്ലാത്തവര്‍ക്കും സേവനങ്ങള്‍ ലഭിക്കും. ഓപ്പോ സ്മാര്‍ട്ട്ഫോണ്‍ ഉപയോഗിക്കാത്ത ആളുകള്‍ക്ക് പ്ലേ സ്റ്റോറില്‍ നിന്നും ആപ്പ് ഡൌണ്‍ലോഡ് ചെയ്യാം. അടുത്ത 5 വര്‍ഷത്തിനുള്ളില്‍ 10 ദശലക്ഷം ആളുകളെ പ്ലാറ്റ്ഫോമിന്‍റെ ഉപയോക്താക്കളാക്കുക എന്നതാണ് ഓപ്പോ ലക്ഷ്യം വക്കുന്നത്.
