സ്വന്തം ലേഖകന്‍
ലോക്ക്ഡൗണ്‍ കാലാവധി പൂര്‍ത്തിയാക്കിയ ശേഷം മേയ് നാല് മുതല്‍ ആഭ്യന്തര ബുക്കിങ്ങുകള്‍ ആരംഭിക്കുമെന്ന് എയര്‍ ഇന്ത്യ. അന്താരാഷ്ട്ര സര്‍വീസുകള്‍ ജൂണ്‍ ഒന്നു മുതല്‍ ആരംഭിക്കുമെന്നും എയര്‍ ഇന്ത്യയുടെ വെബ്സൈറ്റില്‍ പറയുന്നു.
തിരഞ്ഞെടുത്ത റൂട്ടുകളിലേയ്ക്കുള്ള ആഭ്യന്തര സര്‍വീസുകള്‍ക്കുള്ള ബുക്കിങ്ങുകളാണ് പുനഃരാരംഭിക്കുകയെന്ന് എയര്‍ ഇന്ത്യയുടെ അറിയിപ്പില്‍ പറയുന്നു. മുംബൈ, ഡല്‍ഹി, കൊല്‍ക്കത്ത, ചെന്നൈ, ബെംഗളൂരു എന്നിവയുള്‍പ്പെടെ രാജ്യത്തെ പ്രധാനപ്പെട്ട നഗരങ്ങളിലേയ്ക്കുള്ള സര്‍വീസുകള്‍ക്കാണ് മേയ് നാലുമുതല്‍ ബുക്കിങ് ആരംഭിക്കുക.
