സ്വന്തം ലേഖകന്
പ്രമുഖ ബേബി കെയര് ബ്രാന്ഡായ പോപ്പീസ് തങ്ങളുടെ ആദ്യ ബ്രാന്ഡഡ് എക്സ്പീരിയന്സ് ഷോറൂം കൊച്ചിയില് തുറന്നു. ഇടപ്പള്ളി ഒബ്രോണ് മാളിന് സമീപം പ്രവര്ത്തനം തുടങ്ങിയ ഷോറും പ്രശസ്ത ബോളിവുഡ് ചൈല്ഡ് ആര്ട്ടിസ്റ്റായ ബാര്ബി ശര്മയാണ് ഉദ്ഘാടനം നിര്വഹിച്ചത്. സോഷ്യല് മീഡിയ ലക്കി ഡ്രോയിലൂടെ തിരഞ്ഞെടുത്ത കുട്ടികളും ചടങ്ങില് പങ്കെടുത്തു. വജാതശിശുക്കള് മുതല് ആറ് വയസ്സുവരെയുള്ള കുട്ടികള്ക്ക് അനുയോജ്യമായ വസ്ത്രങ്ങള്ക്കൊപ്പം ബേബി സോപ്പ്, ബേബി ഓയില്, ഷാംപൂ, ക്രീം, ഫാബ്രിക് വാഷ്, ഡയപ്പര് തുടങ്ങിയ എല്ലാ പോപ്പീസ് ഉത്പന്നങ്ങളും ഇവിടെ ലഭ്യമാവും.
കുഞ്ഞുങ്ങളുടെ ആരോഗ്യത്തെയും ചര്മ്മത്തെയും സംരക്ഷിക്കുന്ന പോപ്പീസ് ഉത്പന്നങ്ങള് ഉപഭോക്താക്കള്ക്ക് അനുഭവിച്ചറിയാനുള്ള എക്സ്പീരിയന്സ് സെന്റര് എന്ന നിലയിലാണ് ഷോറൂം ഒരുക്കിയിരിക്കുന്നത്. ബേബി കെയര് രംഗത്തെ ആവശ്യങ്ങള് കണ്ടറിഞ്ഞു ഡിസംബറിനുള്ളില് കൂടുതല് ഉത്പന്നങ്ങള് പോപ്പീസ് പുറത്തിറക്കും. 2021 ഡിസംബറോടെ സ്വന്തം നിലയിലും ഫ്രാഞ്ചൈസിയായും 100 പോപ്പീസ് എക്സ്ക്ലൂസീവ് ഷോറൂമുകളാണ് വിവിധ രാജ്യങ്ങളിലായി പോപ്പീസ് ലക്ഷ്യമിടുന്നത്. പോപ്പീസ് ഗ്രൂപ്പ് ചെയര്മാന് ആന്ഡ് മാനേജിങ് ഡയറക്ടര് ഷാജു തോമസ്, ഡയറക്ടര് ലിന്ഡ പി ജോസ്, ജനറല് മാനേജര് ജെറുസെല് കേഫാ ഫെന്സണ് സംബന്ധിച്ചു.
