സ്വന്തം ലേഖകന്‍
ഇന്ത്യയിലേയ്ക്ക് ആദ്യ 5ജി സ്മാര്‍ട്ട്ഫോണ്‍ എത്തിക്കുന്നത് റിയല്‍മി. റിയല്‍മിയുടെ ഫ്ലാഗ്ഷിപ് സ്മാര്‍ട്ട്ഫോണായ റിയല്‍മി എക്സ് 50 പ്രോയെ ഫെബ്രുവരില്‍ 24ന് ഇന്ത്യന്‍ വിപണിയില്‍ അവതരിപ്പിയ്ക്കും. റിയല്‍മി ഇന്ത്യ മേധാവി മാധവ് സേത്താണ് ഇക്കാര്യം ട്വിറ്ററിലൂടെ വ്യക്തമാക്കിയത്. 24ന് ഉച്ചയ്ക്ക് 2.30ന് ഡല്‍ഹിയില്‍ നടക്കുന്ന ചടങ്ങിലാണ് സ്മാര്‍ട്ട്ഫോണിനെ വിപണിയില്‍ അവതരിപ്പിയ്ക്കുന്നത്.
ലോഞ്ചിന് മുന്നോടിയയി ഫോണിന്‍റ് ഫീച്ചറുകളും റിയല്‍മി പുറത്തുവിട്ടു. 90 ഹെര്‍ട്സ് സൂപ്പര്‍ അമോലെഡ് ഡിസ്പ്ലേയാണ് സ്മാര്‍ട്ട്ഫോണില്‍ നല്‍കിയിരിയ്ക്കുന്നത്. ഡ്യുവല്‍ പഞ്ച്ഹോള്‍ സെല്‍ഫി ക്യാമറ ഫോണില്‍ ഇടംപിടിച്ചിരിയ്ക്കുന്നത്. ക്വാഡ് റിയര്‍ ക്യാമറകളാണ് മറ്റൊരു സവിശേഷത. 65വാട്സ് സൂപ്പര്‍ഡാര്‍ട്ട് ചാര്‍ജ് സാങ്കേതികവിദ്യയാണ് സ്മാര്‍ട്ട്ഫോണിന്‍റെ ഏറ്റവും ആകര്‍ഷകമായ ഫിച്ചര്‍. 30 മിനിറ്റിനുള്ളില്‍ 4000 എംഎഎച്ച് ബാറ്ററി പൂജ്യത്തില്‍ നിന്ന് പൂര്‍ണ്ണമായി ചാര്‍ജ് ചെയ്യാമെന്നാണ് കമ്പനി അവകാശപ്പെടുന്നത്.
