പഴയകാലം മുതലേ കണ്ടുവരുന്ന ഒരു രീതിയാണ് തിയേറ്ററില്‍ സിനിമ കാണുമ്പൊള്‍ ഏറ്റവും പുറകിലെ സീറ്റുകള്‍ തെരഞ്ഞെടുക്കുക എന്നത്. അതിന് പല കാരണങ്ങള്‍ ഉണ്ടാവാം. ഒന്ന് പഴയ രീതിയില്‍ സീറ്റ് ക്രമീകരിച്ചിരിക്കുന്ന വിധമാണ്. ഉയരമുള്ള ആരെങ്കിലും മുന്നില്‍ വന്ന് ഇരുന്നാല്‍ പുറകില്‍ ഉള്ളവര്‍ പെട്ട്. അപ്പോള്‍ അതിനനുസരിച്ച് കൂടുതല്‍ കയറി ഇരുന്നാല്‍ പുറകില്‍ നിന്ന് ഉള്ളവന്‍െറ തെറി കേള്‍ക്കേണ്ടി വരും. മറ്റൊന്ന് സ്ത്രീകളുമായി സിനിമക്ക് പോകുന്ന ഫാമിലി പ്രേക്ഷകര്‍ പല കാരണങ്ങള്‍ കൊണ്ട് സേഫ് ആയ ഏറ്റവും പുറകിലെ സീറ്റുകള്‍ തെരഞ്ഞെടുക്കുന്നു.
പിന്നെ കറേകാലം പുറകോട്ട് പോയാല്‍ ഏറ്റവും മുന്നില്‍ ഇരുന്നാല്‍ ഏതാണ്ട് മുകളിലേക്ക് നോക്കി സിനിമ കാണേണ്ട അവസ്ഥ തന്നെ ഉണ്ടായിരുന്നു. വലിയ സ്ക്രീന്‍ ഉള്ള തിയേറ്ററുകളില്‍ സ്ക്രീന്‍ നമ്മുടെ കണ്ണില്‍ ഒതുങ്ങുക പോലും ഇല്ലായിരുന്നു. അത്തരം സീറ്റുകള്‍ക്ക് റേറ്റും കുറവായിക്കുന്നു. എന്നാല്‍ കാലം മാറി. സ്റ്റേഡിയം ടൈപ്പ് സിറ്റിങ് വന്നതോടെ എവിടെ ഇരുന്നാലും തടസമില്ലാതെ സ്ക്രീനിലേക്ക് കാണാം എന്ന അവസ്ഥ വന്നു. പക്ഷെ ഇതൊക്കെ മാറിയിട്ടും ഇപ്പോഴും ബുക്കിങ് പാറ്റേണ്‍ നോക്കിയാല്‍ പുറകില്‍ നിന്നാണ് അത് തുടങ്ങുക. അതൊക്കെ ഫില്‍ ആയിട്ടാണ് പതുക്കെ മന്നോട്ട് പോവുക.
ഇനി പറയാന്‍ പോകുന്നത് ഡോള്‍ബി അറ്റ്മോസ് തിയേറ്ററുകളിലെ കാര്യമാണ്. ഇങ്ങനെ ഏറ്റവും പുറകിലെ വരികളില്‍ ഇരുന്ന് സിനിമ കാണുമ്പൊള്‍ നിങ്ങള്‍ക്ക് നഷ്ടപ്പെടുന്നത് 360 ഡിഗ്രി സൗണ്ടിന്‍െറ ഒരു മാജിക് ആണ്. സിനിമാ ഹാളിന്‍െറ നീളത്തിനെ മൂന്നായി പകുത്താല്‍ ഏതാണ്ട് സ്ക്രീനില്‍ നിന്നും പുറകിലേക്ക് പോകമ്പോള്‍ മൂന്നാമത്തെ പകുതി തുടങ്ങുന്ന ഇടത്താകും മിക്കവാറും തിയേറ്ററുകളില്‍ സറൗണ്ട് സബ് വൂഫര്‍ വെച്ചിരിക്കുക. സ്ക്രീനിന്‍െറയും അതിന്‍െറയും ഇടക്ക് ഏത് റോയില്‍ ഇരുന്നാലും അറ്റ്മോസ് വേറെതന്നെ ഒരു അനുഭവമാണ്.
നല്ല അറ്റ്മോസ് മിക്സിങ് ഉള്ള സിനിമകളില്‍ ഈ പറഞ്ഞ പൊസിഷനില്‍ എവിടെ ഇരുന്ന് കണ്ടാലും ആ ഒരു സീനിന്‍െറ ഇടക്ക് നമ്മള്‍ ഇരിക്കുന്ന ഒരു ഫീല്‍ ആണ്. ഏറ്റവും പുറകിലെ വരികളില്‍ ഇരുന്നാല്‍ നിങ്ങള്‍ എന്തോ നടക്കുന്നതിന്‍െറ പുറകില്‍ ഒരു ഓരത്ത് മാറിയിരിക്കുന്ന പോലെ ആയിട്ടാണ് തോന്നുക. ഏറ്റവും പുറകിലെ വരിയില്‍ ഇരുന്നാല്‍ പറയാനുമില്ല. കാരണം നിങ്ങളുടെ പുറകില്‍ ഒന്നും തന്നെ സംഭവിക്കുന്നില്ല എന്നത് തന്നെ കാരണം. ഒരുപാട് അറ്റ്മോസ് തിയേറ്ററുകളില്‍ ഇരുന്ന് സിനിമ കണ്ടു നോക്കി, തിരക്കില്ലാത്ത സമയത്ത് സീറ്റ് മാറി മാറി ഇരുന്ന് ആ വ്യത്യാസം അനുഭവിച്ചറിഞ്ഞിട്ടുണ്ട്. ചിത്രത്തില്‍ ഇടത് വശത്ത് കാണുന്നത് ഒരു അറ്റ്മോസ് തിയേറ്ററിലെ സ്പീക്കര്‍ ലേഔട്ട് ആണ്. വലതു വശത്ത് ഒരു അറ്റ്മോസ് തിയേറ്ററില്‍ ഇപ്പോഴും നടക്കുന്ന ബുക്കിംഗ്ന്‍െറ പാറ്റേണും.
വശങ്ങളിലെ അവസ്ഥ: ഇമ്മേഴ്സിവ് സൗണ്ട് സിസ്റ്റത്തില്‍ നിങ്ങള്‍ സ്ക്രീനില്‍ കാണുന്ന സീനിന്‍െറ ഇടയില്‍ ഇരിക്കുകയാണ് എന്ന് തോന്നണം എങ്കില്‍ നമ്മളുടെ പുറകിലും ആ ശബ്ദങ്ങളുടെ സാന്നിധ്യം വേണം. പുറകിലത്തെ റോയില്‍ ഇതിനുള്ള ഒരു സ്പേസ് ഇല്ല. നിങ്ങള്‍ ആ ബോര്‍ഡറില്‍ ആണ്. അപ്പോള്‍ വശങ്ങളില്‍ ഇരുന്നാലും ഇടതോ വലതോ ഏതെങ്കിലും ഒരു വശം നഷ്ടമായി ഇതേ അവസ്ഥ വരില്ലേ എന്ന് സംശയം തോന്നാം.
പക്ഷെ അങ്ങനെ അല്ല. കാരണം സ്ക്രീനിന്‍െറ പ്രത്യേകത കാരണം അതിന്‍െറ വശങ്ങളിലൂടെ ആണ് സ്ക്രീനിലേക്ക് വസ്തുക്കളും ക്യാരക്ടറുകളും ഒക്കെ എന്‍റ്റര്‍ ചെയുന്നത്. അത് എക്സിറ്റ് ചെയ്യുന്നതും അങ്ങനെ തന്നെ. അപ്പോള്‍ വശങ്ങളിലൂടെ വളരെ കൂടുതല്‍ തന്നെ പലതരം ശബ്ദങ്ങള്‍ പാസ് ചെയ്തപോകുന്നുണ്ട്. അതുകൊണ്ട് അവിടെ ഇരിക്കമ്പോള്‍ നമ്മള്‍ ഒരുപാട് മാറി ഇരികുന്നപോലെ തോന്നില്ല. പുറകില്‍ അതല്ല അവസ്ഥ. നമ്മള്‍ തീര്‍ത്തും ഈ ഒരു സീനിന്‍െറ ഒരു അറ്റത്താണ്. നമ്മുടെ മുന്നില്‍ മാത്രമാണ് എല്ലാം സംഭവിക്കുന്നത്. അത് തന്നെ ആണ് അതിന്‍െറ പ്രശ്നവും.
