സ്വന്തം ലേഖകന്‍
കാല്‍ നൂറ്റാണ്ടായി ഇന്ത്യന്‍ നിരത്തുകള്‍ ഭരിച്ചിരുന്ന ടാറ്റ സുമോ നിര്‍മ്മാണം അവസാനിപ്പിക്കുന്നു. 1994 ല്‍ വിപണിയിലെത്തിയ സുമോയുടെ നിര്‍മ്മാണം ടാറ്റ ഔദ്യോഗിക പ്രഖ്യാപനം ഒന്നുമില്ലാതെയാണ് നിര്‍ത്തുന്നത്. ഇത് സംബന്ധമായ വിവരങ്ങള്‍ ടാറ്റാ പുറത്തുവിട്ടിട്ടില്ല. അടുത്തിടെ നടപ്പാക്കിയ വാഹനങ്ങളിലെ സുരക്ഷാ ക്രമീകരണങ്ങളില്‍ എ.ഐ.എസ് 145 ഉള്‍പ്പെടുത്തേണ്ടി വന്നിരുന്നു.
ബി.എന്‍.വി.എസ്.എ.പി നിയമപ്രകാരം വാഹനങ്ങളില്‍ വരുത്തേണ്ടി വന്ന മാറ്റങ്ങള്‍ ടാറ്റാ സുമോ, മാരുതി ഒമ്നി, ജിപ്സി എന്നീ വാഹനങ്ങളുടെ വിപണിയെ തകര്‍ച്ചയിലേക്കെത്തിക്കുകയായിരുന്നു.നിലവില്‍ ടാറ്റാ സുമോ ബി.എസ്.4 ല്‍ 3.0 ലിറ്റര്‍ ഡീസല്‍ എന്‍ജിന്‍ 85 പി.എസ് ,250 എന്‍.എം ല്‍ പ്രവര്‍ത്തിക്കുന്നതാണ്.പുതിയ ബി.എസ്.6 ലേക്ക് എഞ്ചിന്‍ മാറ്റം വരുത്താന്‍ ടാറ്റ തയ്യാറായിട്ടില്ല.8.77 ലക്ഷം വിലയുള്ള ഗോള്‍ഡ് ജി.എക്സ് ആണ് വിപണിയില്‍ അവസാനമിറങ്ങിയ സുമോ.
