സ്വന്തം ലേഖകന്‍
രാജ്യത്തെ എറ്റവും വലിയ ബാങ്കായ എസ്ബിഐ തങ്ങളുടെ ലോക്കര്‍ നിരക്കുകള്‍ വര്‍ധിപ്പിച്ചു. ചുരുങ്ങിയത് 500 രൂപയുടെ വര്‍ധനവാണ് വരുത്തിയിട്ടുള്ളത്. ഇതോടെ ചെറിയ ലോക്കറിന്‍റെ വാര്‍ഷിക വാടക 1,500 രൂപയില്‍ നിന്നും 2000 രൂപയും,കൂടുതല്‍ വലുപ്പമുള്ള ലോക്കറിന് 9,000 രൂപയില്‍ നിന്നും 12,000 രൂപയായും വര്‍ധിക്കും. മാര്‍ച്ച് 31 മുതലായിരിക്കും പുതുക്കിയ നിരക്കുകള്‍ നിലവില്‍ വരിക. രാജ്യമൊട്ടാകെയുള്ള മെട്രോകളിലും മറ്റ് നഗരങ്ങളിലുമാണ് വര്‍ധന.
ഏര്‍പ്പെടുത്തിയിരിക്കുന്നത്.വാടകയ്ക്ക് പുറമെ ജിഎസ്ടി നിരക്കുകള്‍ കൂടി ബാധകമാണ്.ഇതോടെ മീഡിയം വലിപ്പമുള്ള ലോക്കറിന്‍റെ നിരക്ക് 1000 രൂപകൂടി 4,000 രൂപയും താരതമ്യേന വലിയ ലോക്കറിന് 2000 രൂപകൂടി 8,000 രൂപയുമായി മാറും.33 ശതമാനത്തിന്‍റെ ശരാശരി വര്‍ധന. അര്‍ധ നഗരങ്ങളിലും ഗ്രാമങ്ങളിലും വലിപ്പമനുസരിച്ച് 1,500 രൂപമുതല്‍ 9,000 രൂപവരെയായിരിക്കും നിരക്കുകള്‍. ഇതിന് പുറമെ ഒറ്റത്തവണ രജിസ്ട്രേഷന് 500 രൂപയും ജിഎസ്ടിയും നല്‍കേണ്ടതായി വരും. ലോക്കര്‍ വാടക യഥാസമയം അടച്ചില്ലെങ്കില്‍ 40 ശതമാനം പിഴയീടാക്കാനും തീരുമാനമായിട്ടുണ്ട്.
