സ്വന്തം ലേഖകന്
ആദായ നികുതി റിട്ടേണ് ഫയല് ചെയ്യാനും ബാങ്ക് അക്കൗണ്ട് തുടങ്ങാനുമെല്ലാം ഇപ്പോള് പാന് കാര്ഡ് ആവശ്യമാണ്. നിശ്ചിത ഫോം പൂരിപ്പിച്ച് രേഖകളോടൊപ്പം നല്കിയാല് 15 ദിവസംവരെയെടുത്താണ് ഇതുവരെ പാന് ലഭിച്ചിരുന്നത്. എന്നാല് ഇപ്പോള് തത്സമയം ആദായ നികുതി വകുപ്പില്നിന്ന് ഇ-പാന് ലഭിക്കും. ഡിജിറ്റല് ഒപ്പോടുകൂടി ഇലക്ട്രോണിക് ഫോര്മാറ്റിലാണ് അപേക്ഷിച്ച അപ്പോള്തന്നെ പാന് നല്കുന്നത്. അപേക്ഷകന് ആധാറോ അല്ലെങ്കില് ഡിജിറ്റല് സിഗ്നേച്ചറോ ആവശ്യമാണെന്നുമാത്രം.
https://www.pan.utiitsl.com/PAN/ ലിങ്ക് വഴിയാണ് പാന് ലഭിക്കാന് അപേക്ഷിക്കേണ്ടത്. ആധാര് നിങ്ങളുടെ മൊബൈല് നമ്പറുമായി ബന്ധിപ്പിച്ചിട്ടുണ്ടായിരിക്കണം. ഇ-കെവൈസി നടപടിക്രമങ്ങള് പൂര്ത്തിയാക്കുന്നതിനായി നിങ്ങളുടെ മൊബൈലിലേയ്ക്ക് ഒ.ടി.പി. ലഭിക്കും. ഒപ്പിന്റെ സ്കാന് ചെയ്ത ഇമേജും പുതിയ ഫോട്ടോയും അപ് ലോഡ് ചെയ്യണം. ഇ-പാനിനൊപ്പം പാന് കാര്ഡും ലഭിക്കണമെങ്കില് 107 രൂപ അടയ്ക്കണം. ഇ-പാന് മാത്രമാണ് വേണ്ടതെങ്കില് 66 രൂപമാത്രം നല്കിയാല്മതി.
