സ്വന്തം ലേഖകന്‍
ഇന്‍റഗ്രേറ്റഡ് സ്റ്റാര്‍ട്ടര്‍ ജനറേറ്റര്‍ സിസ്റ്റത്തിലെ പിഴവ് കാരണം മാരുതി സുസുകി 63,493 മൈല്‍ഡ്-ഹൈബ്രിഡ് പതിപ്പുകള്‍ തിരികെ വിളിക്കുന്നു. അടുത്തിടെ പുറത്തിറക്കിയ എക്സ്- എല്‍ 6, സിയാസ്, എര്‍ട്ടിഗ തുടങ്ങിയ മൈല്‍ഡ് ഹൈബ്രിഡ് മോഡലുകള്‍ തിരിച്ചുവിളിക്കാന്‍ പോകുന്നുവെന്ന് കമ്പനി അറിയിച്ചു. നിലവിലുള്ള സ്റ്റോക്കുകളുടെ വില്‍പ്പന നിര്‍ത്തിവയ്ക്കാന്‍ നിര്‍മ്മാതാക്കള്‍ ഡീലര്‍ഷിപ്പുകളോട് ആവശ്യപ്പെട്ടതായും കമ്പനി അറിയിച്ചു. ഈ മോഡലുകള്‍ ഫാക്ടറിയില്‍ നിന്ന് കയറ്റിവിടുന്നതും നിര്‍ത്തലാക്കും. ബാധിക്കപ്പെട്ട ഉടമകള്‍ക്ക് അവരുടെ കാറുകള്‍ അംഗീകൃത ഡീലര്‍ഷിപ്പുകളില്‍ സൗജന്യമായി റിപ്പയര്‍ ചെയ്തു നല്‍കുമെന്നും അതേ കാലയളവില്‍ അവര്‍ക്ക് ഉപയോഗിക്കാന്‍ പകരം വാഹനങ്ങള്‍ നല്‍കുമെന്നും കമ്പനി അധികൃതര്‍ വ്യക്തമാക്കുന്നു.
