സ്വന്തം ലേഖകന്‍
ചൈനീസ് കമ്പനി മാജിക് ബെന്‍ മാഗ് 1 എന്ന കുഞ്ഞന്‍ ലാപ്ടോപ്പുമായി രംഗത്ത്. ടച്ച്പാഡ് സൗകര്യത്തോടുകൂടിയ ഈ ലാപ്ടോപ്പിന് എ 5 പേപ്പറിന്‍റെ വലിപ്പവും 700 ഗ്രാം തൂക്കവും മാത്രമാണുള്ളത്. യുഎസ്ബി പോര്‍ട്ട്, ടൈപ്പ് സി കണക്ടര്‍, മൈക്രോ എസ്ഡി കാര്‍ഡ് റീഡര്‍ തുടങ്ങി എല്ലാ സൗകര്യങ്ങളും മാഗ് 1നുണ്ട്. 56,380 രൂപയാണ് മാഗ് 1ന്‍റെ വില. തുടര്‍ച്ചയായി ഏഴ് മണിക്കൂര്‍വരെ പ്രവര്‍ത്തിക്കാന്‍ കഴിയുന്ന ബാറ്ററിയുമുണ്ട് ഈ കുഞ്ഞന്‍ ലാപ്ടോപ്പിന്. കൂടാതെ, പവര്‍ ബാങ്ക് ഉപയോഗിച്ച് ചാര്‍ജ് ചെയ്യാന്‍ കഴിയുമെന്നത് മറ്റൊരു പ്രത്യേകതയാണ്. വെബ്ക്യാം ഇല്ല എന്നത് മാത്രമാണ് മാഗ്1 നുള്ള ഒരേയൊരു കുറവ്.
