സ്വന്തം ലേഖകന്‍
ഒരു രാജ്യം, ഒരു റേഷന്‍ കാര്‍ഡ് പദ്ധതി ജൂണ്‍ 1 മുതല്‍ പ്രാബല്യത്തില്‍ വരും. രാജ്യമൊട്ടാകെ ഒറ്റ റേഷന്‍ കാര്‍ഡ് പദ്ധതിയ്ക്ക് വഴിയൊരുങ്ങുകയാണ്. സര്‍ക്കാരിന്‍റെ റേഷന്‍ അര്‍ഹരായവരിലേക്ക് മാത്രം എത്തിക്കുന്ന കേന്ദ്ര സര്‍ക്കാര്‍ പദ്ധതി കൂടെയാണിത്.
റേഷന്‍ കാര്‍ഡുള്ളവര്‍ക്ക് രാജ്യത്തിന്‍റെ ഏത് കോണില്‍ നിന്നുമുള്ള റേഷന്‍ കടകളില്‍ നിന്നും റേഷന്‍ വാങ്ങാന്‍ കഴിയും എന്നതാണ് സവിശേഷത. നിലവില്‍ 16 സംസ്ഥാനങ്ങളിലുള്ള പദ്ധതിയില്‍ ആധാര്‍ അധിഷ്ഠിത സംവിധാനം വഴിയാണ് ഉപഭോക്തക്കളെ തിരിച്ചറിയുന്നത്.
കേന്ദ്ര മന്ത്രി റാം വിലാസ് പാസ്വാന്‍ ആണ് ഇക്കാര്യം വ്യക്തമാക്കിയത്. നിലവില്‍ 14 സംസ്ഥാനങ്ങളില്‍ പദ്ധതി നടപ്പാക്കിയിട്ടുണ്ട്. ആന്ധ്രാപ്രദേശ്, ഹരിയാന, കര്‍ണാടക, കേരളം, മദ്ധ്യപ്രദേശ് , രാജസ്ഥാന്‍, മഹാരാഷ്ട്ര, തെലങ്കാന തുടങ്ങിയ സംസ്ഥാനങ്ങളില്‍ ഒക്കെ പദ്ധതി നടപ്പാക്കിയിട്ടുണ്ട്. ജൂണ്‍ മാസത്തോടെ മറ്റ് സംസ്ഥാനങ്ങളിലേക്കും പദ്ധതി വ്യാപിപ്പിക്കുകയാണ് ലക്ഷ്യം.
