സ്വന്തം ലേഖകന്
ഫെബ്രുവരി 28നുമുമ്പ് കെവൈസി മാനദണ്ഡങ്ങള് പാലിച്ചില്ലെങ്കില് ബാങ്ക് അക്കൗണ്ടില് നിന്നും ഇടപാടുകള് നടത്താനാവില്ല. ഇക്കാര്യങ്ങള് അറിയിച്ചുകൊണ്ട് എസ് ബി ഐയാണ് അറിയിപ്പ് നല്കിയത്. കെവൈസി മാനദണ്ഡങ്ങള് പാലിക്കാത്ത അക്കൗണ്ട് ഉടമകളെ ഇക്കാര്യം അറിയിച്ചതായും ബാങ്ക് വ്യക്തമാക്കിയിട്ടുണ്ട്.
2020 ഫെബ്രുവരി 28നകം അക്കൗണ്ട് ഉടമകള് കെവൈസി മാനദണ്ഡങ്ങള് പാലിച്ചിരിക്കണമെന്ന് നേരത്തെ ആര് ബി ഐ നിര്ദേശം നല്കിയിരുന്നു. അല്ലെങ്കില് ബാങ്കുകള് വന് പിഴ നല്കേണ്ടിവരുമെന്നും ആര് ബി ഐ നിര്ദേശിച്ചിരുന്നു. 2002 ലെ കള്ളപ്പണം വെളുപ്പിക്കലിനെതിരെയുള്ള നിയമത്തിന്റെ പുറത്താണ് ബാങ്ക് അക്കൗണ്ടുകള്ക്ക് കെവൈസി നിര്ബന്ധമാക്കിയത്. ഉപഭോക്താവിനെ അറിയുക എന്നതാണ് കെവൈസി എന്നത് കൊണ്ട് ഉദ്ദേശിക്കുന്നത്. ആവശ്യമായ രേഖകള് അടുത്തുള്ള ശാഖയില് നല്കുകയാണെങ്കില് കെവൈസി നടപടിക്രമങ്ങള് പൂര്ത്തിയാക്കാം.
പാസ്പോര്ട്ട്, വോട്ടര് ഐഡി, ഡ്രൈവിങ് ലൈസന്സ്, ആധാര് കാര്ഡ്, പാന് കാര്ഡ് - ഇവയിലേതെങ്കിലും രേഖകള് വിലാസം തെളിയിക്കാനായി സമര്പ്പിക്കണം. അതോടൊപ്പം ഏറ്റവും പുതിയ പാസ്പോര്ട്ട് സൈസ് ഫോട്ടോയും മൊബൈല് നമ്പറും നല്കിയാല് കെ വൈ സി നടപടി ക്രമങ്ങള് പൂര്ത്തിയാക്കാം.
