സ്വന്തം ലേഖകന്‍

ബിഎസ് 4 നിലവര്‍ത്തിലുള്ള എഞ്ചിനുകള്‍ക്ക് പകരമായി പുതിയ ബിഎസ് 6 എഞ്ചിനില്‍ വാഹനങ്ങള്‍ അവതരിപ്പിക്കുകായാണ് മിക്ക വാഹന നിര്‍മ്മാതാക്കളം. വാഹങ്ങളെ ബിഎസ് 6 നിലവാരത്തിലേക്ക് ഉയര്‍ത്തുന്നതിന്‍റെ ഭാഗാമായി ചെറുകാറുകളില്‍ ഡീസല്‍ എഞ്ചിനെ ഒഴിവക്കുകയാണ് രാജ്യത്തെ ഏറ്റവും വലിയ വാഹന നിര്‍മ്മാതാക്കളായ മാരുതി സുസൂക്കി. എന്നാല്‍ ഇന്ധനക്ഷമത കുടുതലായ ഡീസല്‍ വാഹനങ്ങള്‍ വിപണിയില്‍നിന്നും പിന്‍വലിക്കുന്നത് വലിയ തിരിച്ചടിയുണ്ടാക്കും. അതിനാല്‍ ഇന്ധനക്ഷമത കൂടുതലുള്ള ഹൈബ്രിഡ് വാഹങ്ങളെ വിപണിയിലെത്തിച്ച് പ്രതിസന്ധിയെ മറികടക്കാന്‍ ഒരുങ്ങുകയാണ് മാരുതി സുസൂക്കി.

ഇതിന്‍റെ ഭാഗമായി അന്താരാഷ്ട്ര വിപണിയിലുള്ള സ്വിഫ്റ്റിന്‍റെ ഹൈബ്രിഡ്പതിപ്പ് ഉടന്‍ ഇന്ത്യന്‍ വിപണിയില്‍ എത്തിയേക്കും എന്നാണ് റിപ്പോര്‍ട്ടുകള്‍. കഴിഞ്ഞ ഓട്ടോ എക്സ്പോയില്‍ വാഹനത്തെ മരുതി സുസൂക്കി പ്രദര്‍ശിപ്പിച്ചിരുന്നു. 32 കിലോമീറ്ററാണ് സ്വിഫ്റ്റിന്‍റെ ഹൈബ്രിഡ് പതിപ്പിന്‍റെ ഇന്ധനക്ഷമത.

48 വാട്ട് സെല്‍ഫ് ചാര്‍ജിങ് ഹൈബ്രിഡ് സംവിധാനമാണ് വാഹനത്തില്‍ നല്‍കിയിരിക്കുന്നത്. 92 പിഎസ് കരുത്തും 118 എന്‍എം ടോര്‍ക്കും സൃഷ്ടിക്കുന്ന 1.3 ലിറ്റര്‍ ഫോര്‍ സിലിണ്ടര്‍ പെട്രോള്‍ എഞ്ചിനോടൊപ്പം 13.6 പിഎസ് കരുത്തും 30 എന്‍എം ടോര്‍ക്കും സൃഷ്ടിക്കുന്ന ഇലക്ട്രോണിക് മോട്ടോറും ചേര്‍ന്നാണ് വാഹനത്തിന് കരുത്ത് പകരുന്നത്. 8 ലക്ഷം രൂപയാണ് വാഹനത്തിന്‍റെ അടിസ്ഥാന വകഭേതത്തിന് ചൈനീസ് വിപണിയിലെ വില.