സ്വന്തം ലേഖകന്‍
എന്തെങ്കിലും ഒരു കാര്യത്തെ കുറിച്ച് നമുക്ക് നമുക്ക് വിവരങ്ങള്‍ ശേഖരിക്കണം എങ്കില്‍ നമ്മള്‍ ആദ്യം തുറക്കുക ഗൂഗിള്‍ ആണ്. സേര്‍ച്ച് ചെയ്ത് ആവശ്യമായ വിവരങ്ങള്‍ നമ്മള്‍ വായിക്കും. പലപ്പോഴും വായിക്കുക നമുക്ക് ഒരു ബുദ്ധിമുട്ടാകാറുണ്ട്. ചിലര്‍ക്ക് കണ്ണിന് അസ്വസ്ഥകള്‍ ഉണ്ടാകാറുണ്ട്. എന്നാല്‍ ഇനി അത്തരം ബുദ്ധിമുട്ടുകള്‍ നേരിടേണ്ടിവരില്ല. വിവരങ്ങള്‍ ഗൂഗിള്‍ തന്നെ നമ്മേ വായിച്ചു കേള്‍പ്പിക്കും.
വെബ് പേജ് മുഴുവന്‍ കേള്‍ക്കുന്നതിനായി 'റീഡ് ഇറ്റ്' എന്ന പുതിയ ഫീച്ചര്‍ വതരിപ്പിച്ചിരിക്കുകയാണ് ഗൂഗിള്‍. ഇംഗ്ലീഷില്‍ മാത്രമല്ല 11 ഇന്ത്യന്‍ ഭാഷകളിളും ഗൂഗിള്‍ നമുക്കായി വിവരങ്ങള്‍ വായിച്ചുകൊണ്ടിരിക്കും എന്നതാണ് പ്രത്യേകത, ഈ മാസം തന്നെ സംവിധാനം ഉപയോതാക്കള്‍ക്ക് ലഭ്യമായി തുടങ്ങും. ഗൂഗിള്‍ അസിസ്റ്റന്‍റില്‍ നമുക്ക് അറിയേണ്ട കര്യത്തെ കുറിച്ച് പറഞ്ഞാല്‍ മതി. ആവശ്യമായ വിവരങ്ങള്‍ ഗൂഗിള്‍ മുന്നില്‍ എത്തിക്കും. അവശ്യമെങ്കില്‍ വിവരങ്ങള്‍ ഗൂഗിള്‍ വായിച്ചുതരും.
വിവരങ്ങള്‍ 11 ഇന്ത്യന്‍ ഭാഷകള്‍ ഉള്‍പ്പടെ 42 ഭാഷകളീലേക്ക് വിവര്‍ത്തനം ചെയ്ത് വായിക്കുക കൂടി ചെയ്യും ഈ സംവിധാനം. ആര്‍ട്ടിഫിഷ്യല്‍ ഇന്‍റലിജെന്‍സിന്‍റെ സഹായത്തോടെയാണ് ഈ സംവിധാനം ഒരുക്കിയിരിക്കുന്നത്. ഇതോടെ വിവരങ്ങള്‍ അറിയുന്നതിന് ഭാഷ ഒരു തടസമല്ലാതായി മാറും. കണ്‍സ്യൂമര്‍ ഇലക്ട്രോണിക് ഷോയില്‍ ഗൂഗിള്‍ ഈ സംവിധാനത്തിന്‍റെ പ്രിവ്യു അവതരിപ്പിച്ചിരുന്നു. 2ഏ നെറ്റ്വര്‍ക്കില്‍ പോലും സവിധാനം ലഭ്യമാകും എന്നതാണ് മറ്റൊരു പ്രത്യേകത.
