സ്വന്തം ലേഖകന്‍
പ്രളയത്തെ തുടര്‍ന്ന് പമ്പാനദിയില്‍ അടിഞ്ഞുകൂടിയതും പ്ലാപ്പള്ളി ഫോറസ്റ്റ് സ്റ്റേഷനിലെ പമ്പ ഹില്‍ടോപ്പ്, ചക്കുപാലം എന്നീ സ്ഥലങ്ങളില്‍ ശേഖരിച്ചിരിക്കുന്നതുമായ മണലിന്‍റെ ഇലേലം ജൂണ്‍ 26, ജൂലായ് 4, 18, ആഗസ്റ്റ് 1 എന്നീ തീയതികളില്‍ നടക്കും. 1000 ക്യുബിക് മീറ്റര്‍ മണല്‍ വീതമുള്ള 60 ലോട്ടുകളിലായാണ് ലേലം നടക്കുക. കെട്ടിടനിര്‍മ്മാണ പ്രവര്‍ത്തികള്‍ക്കും ലാന്‍സ്കേപ്പിംഗിനും ഈ മണല്‍ അനയോജ്യമാണെന്ന് ദേശീയ ഭൗമശാസ്ത്ര പഠന കേന്ദ്രം സാക്ഷ്യപ്പെടുത്തിയിട്ടുണ്ട്.
ഇ-ലേല നടപടികള്‍ക്ക് നിയോഗിച്ചിട്ടുള്ള ഏജന്‍സിയായ എം.എസ്.റ്റി.സി.യില്‍ പേര് രജിസ്റ്റര്‍ ചെയ്യുന്നവര്‍ക്ക് മാത്രമേ ലേലത്തില്‍ പങ്കെടുക്കുവാന്‍ കഴിയുകയുള്ളൂ. ഇതു സംബന്ധിച്ച കൂടുതല്‍ വിവരങ്ങള്‍ എം.എസ്.റ്റി.സി.യുടെ വെബ്സൈറ്റില്‍ നിന്നോ റാന്നി വനം ഡിവിഷണല്‍ ഫോറസ്റ്റ് ഓഫീസ് (ഫോണ്‍നമ്പര്‍04735227558), ഗൂഡ്രിക്കല്‍ റെയിഞ്ച് ഫോറസ്റ്റ് ഓഫീസ് (ഫോണ്‍: 04735279063) നിന്നോ അറിയാം. ഇലേലം സംബന്ധിച്ച വിശദവിവരങ്ങള്‍ക്ക് എം.എസ്.റ്റി.സി.യുടെ 04712529137 എന്ന ഫോണ്‍ നമ്പരില്‍ ബന്ധപ്പെടുക.
