സ്വന്തം ലേഖകന്‍
കേന്ദ്രനികുതിയില്‍നിന്ന് സംസ്ഥാനങ്ങള്‍ക്കുള്ള ഏപ്രിലിലെ വിഹിതം അനുവദിച്ചുകൊണ്ട് ധനമന്ത്രാലയം ഉത്തരവായി. കേരളത്തിന് 894.53 കോടി രൂപയാണ് ലഭിക്കുക. മൊത്തം മൊത്തം 46,038.10 കോടി രൂപയാണ് സംസ്ഥാനങ്ങള്‍ക്ക് വീതംവെച്ചത്. 15-ാം ധനകാര്യ കമ്മിഷന്‍റെ ശുപാര്‍ശയനുസരിച്ചാണിത്.
ഉത്തര്‍പ്രദേശിന് 8555.19 കോടിയും ബിഹാറിന് 4631.96 കോടിയും മധ്യപ്രദേശിന് 3630.60 കോടിയും ലഭിക്കും. കര്‍ണാടകം-1678.57 കോടി, തമിഴ്നാട്-1928.56 കോടി, മഹാരാഷ്ട്ര-2824.47 കോടി, പശ്ചിമ ബംഗാള്‍-3461.65 കോടി, ഗുജറാത്ത്-1564.40 കോടി എന്നിങ്ങനെയാണ് മറ്റു സംസ്ഥാനങ്ങള്‍ക്കുള്ള നികുതിവിഹിതം.
