സ്വന്തം ലേഖകന്
വിദേശത്ത് കുടുങ്ങിക്കിടക്കുന്ന ഇന്ത്യക്കാരെ തിരികെയെത്തിക്കുന്നതുമായി ബന്ധപ്പെട്ട് വിദേശകാര്യ സെക്രട്ടറി സംസ്ഥാന ചീഫ് സെക്രട്ടറിമാര്ക്ക് കത്തയച്ചു.
സംസ്ഥാനങ്ങളുടെ തയ്യാറെടുപ്പുകളുടെ വിശദാംശങ്ങള് ആരാഞ്ഞുകൊണ്ടാണ് കത്തയച്ചത്. വിശദാംശങ്ങള് ചര്ച്ച ചെയ്യാന് ക്യാബിനറ്റ് സെക്രട്ടറി രാജീവ് ഗോബയുടെ നേതൃത്വത്തില് ഉന്നതതലയോഗം ചേരും.
വിദേശകാര്യമന്ത്രാലയം ഗള്ഫിലും യൂറോപ്യന് രാജ്യങ്ങളിലും ഉള്ള ഇന്ത്യക്കാരുടെ കണക്ക് എംബസികള് മുഖേന ശേഖരിച്ചിട്ടുണ്ട്.നാട്ടിലേക്ക് മടങ്ങാന് കാത്തിരിക്കുന്ന പ്രവാസികള്ക്ക് പ്രതീക്ഷയേകുന്നതാണ് കേന്ദ്രത്തിന്റെ നടപടികള്. കേരളം പ്രവാസികളെ സ്വീകരിക്കാന് എല്ലാ തയ്യാറെടുപ്പുകളും പൂര്ത്തിയാക്കിയതായി മുഖ്യമന്ത്രി നേരത്തെ തന്നെ കേന്ദ്രത്തെ അറിയിച്ചിരുന്നു.
